मनोगत

आदरणीय ,

             शिक्षक बंधु आणि भगिनीनो

सप्रेम नमस्कार 

      जि.प.शाळा महाळुंगे हा ब्लॉग प्रसिद्ध करताना मला विशेष आनंद होत आहे . शिक्षक म्हणून ज्ञानदानाचे काम करताना येणाऱ्या अडचणी सोडवण्याचा दृष्टीने एक ब्लॉग निर्मिती करणे हा एक छोटासा प्रयत्न आहे.
           शालेद्यानातून उमलणाऱ्यासुंदर कोमल फुलावर सुसंस्कार व्हावे या बाल मनाचा सर्वांगीण म्हणजे भावनिक बौद्धिक शारीरिक मानसिक व सामाजिक व्हावा . हा विकास घडवण्याचे कार्य ज्ञानमंदिरच यशस्वीरित्या करू शकतात . ज्ञानर्जनाच्या या कार्यात मार्ग दाखवणारे शिक्षक हेच खरे  मार्गदर्शक असतात बंधुहो आपली हि मार्गदर्शकाची भूमिका यशस्वीरित्या पार पडण्यासाठी हा जि.प.शाळा महाळुंगे हा ब्लॉगआपणास वेळोवेळी उपयोगी पडेल असा मला विश्वास आहे . 

          जि.प.शाळा महाळुंगे हा ब्लॉगनिर्मितीसाठी प्रेरणा देणारे माझे आई व आण्णा (आई बाबा ) माझी पत्नी माझ्या दोन चिमुकल्या त्रिशा व साईशा   तसेच वेळोवेळी मार्गदर्शन करणारे केंद्र प्रमुख  सौ भागत Madam मा विस्तार अधिकारी कोकणे साहेब  , गटशिक्षण अधिकारी  मा. सोनावणे Madam  त्याच बरोबर  महत्वपूर्ण योगदान देणारा माझा मित्र परिवार या सर्वांचा मी शतश: ऋणी आहे . 

             बंधुनो प्रत्येक माणूस हा परीपूर्ण नसतोच तरी पण तो अपुर्णत्वाकडून पुर्णत्वाकडून जाण्याची धडपड करत असतो . तसेच  जि.प.शाळा महाळुंगे या ब्लॉग मध्ये काही बाबी अपूर्ण असतील तर मोठ्या मनाने व उदार अंतकरणाने समजून घ्याल व आपणास अढळणाऱ्या उणीवा व आपल्या मौल्यवान सूचना मला कळवून सहकार्याची साथ द्याल हिच अपेक्षा . 

              दीपज्योतीची तेजस्वी किरणे म्हणजे यश आनंद सौख्य मांगल्य पवित्र समृद्धी हे प्रतिकात्मक रूप आपल्या जीवनात साकार होऊन सदैव यशस्वी व्हा .  आपल्या या ज्ञानदानाच्या कार्यास लाख लाख शुभेच्छा........................